Noi ierimo tuti ecitadi, ma el nono, come sempre, el sosteneva che le feste xe per i giovani, no per veci come lui. Tuti i sapeva che el era contento quanto noi ma lui semplicemente non lo poteva ameter. Gavemo raduna tuti i famigliari. Mi nianca non sapevo de gaver tanti parenti. Per casa era un circo, gavemo sistemà zii, parenti lontani e vicini. Acora qualche persona e gaverimo comincia a meter tende in cortil!

Iera tuto pronto: la torta ordinada, i regali compradi e i mii in bancarota.
Corendo in camera, noi piu' pici ghe semo vegnudi dietro al nono e ghe gavemo comincià a cantar: "Tanti auguri a te, tanti auguri a te, tanti auguri caro nono Mario…". E la festa ga cominzia.
Tuti se divertiva i rideva.

Dopo una certa ora el nono e el zio Ottavo i se ga senta, a disparte, soto la pergola e sottovoce i ga cominzia a cantar, sostenudi de un bon istrian. Come ogni volta, el nono prendeva el vecio mandolin e el cominciava a cantar. E non era uno de quei che cantava per cantar, el cantava del cor.

Mi subito me go "plozcà" vizin a scoltarli. Li guardavo, soli, col soriso sereno e felice sula facia. I sembrava ringiovanidi, due muli fiumani che i cantava sottovoce con i oci lucidi. El nono acarezava con le sue mani tremanti e suo mandolin. E el vecio mandolin el tirava fora de se tuto quel che el sapeva - el piangeva, se disperava, s'arabiava, l'amava, rideva, scherzava, qualche volta anche dimenticava.

l cantava un poco cosi, un poco coli' - dela nostra Fiume soto l'Austria, l'Ungheria e l'Italia. El ga comincia cantar "Abajour", poi pezzi d'opere conosciude della loro gioventu', seguide de tante altre e da tanti "e ti te ricordi"... - "no no la va cosi'.
I cantava anche una vecia canzon del lavoro e dela sua beleza. Sta canzoncina che el nono el gaveva imparà in asilo, ancora soto l'Austria, la sapevo gia' a memoria, e sempre quando ghe chiedevo el diseva che iera meio lavorar come un negro anziché aprofitar del momento, el diseva:

"Cosa vale la corona di Duca o di conte,
se soto el suo peso s'incurva la fronte.
Ancor meglio del'oro xe el pan guadagnado,
non altro tesoro domanda el Signor".

Poi i continuava con la Rosamunda, La mula de Parenzo e dopo molte canzoni, pian pianin tutti ga cominzia ascoltar e anche cantar.
Erano seguidi dala mia mama, perché quando lori due i se mete cantar, mio nono e mia mama i xe l'orgolio dei cantanti fiumani - tanto mi son una frana. Mi e el papà potemo cantar sono quando serve mandar tuti i ospiti a casa!
I ospiti piu' giovani i ghe dava con - "la mula grassa non me piase no, la mula grassa la me fraccassa, la mula grassa non me piase no, la mula rossa, ..."

Pero' i veci non se dava per vinti e con voce insicura ma cuor giovane i ga comincia a cantar dela gloriosa Fiume, con l'Aquila che la difendeva a testa alta e i Fiumani orgogliosi de farne parte. L'ultima canzone, ormai tardi nela sera, iera L'Aquila.

Pian pianin le canzoni le ga fini. I ospiti i xe anda' via, el nono ancora ciacolava col zio Ottavo e mi pensavo - ste canzoni me fa pensar sempre ala mia cara cità e a tuti quei rimasti anziani, che a Cosala o qualche altra parte de Fiume, nel ortisel, soto qualche figher i se trova a cantar ste bele canzoni, o che i xe scampadi tanti ani fa e adeso sparpagliadi dapertuto i scalda l'anima e el cor con una cosa in comune - l'eco dele nostre canzoni.

Penso sempre come lori i xe stadi fortunadi, i ga visto la mia Fiume nela sua beleza, i poteva sentir la gente ciarliar in fiuman per le vie dela cità.

A noi giovani xe rimaste solo le canzoni de una volta, che le testimonia dele bele ere pasade e ormai quasi dimenticade.

Ero molto contenta dela serata pasada con i nostri parenti fiumani. Spero che el nono gavera ancora molti compleani come questo, e spero che un giorno, pasando per le strade dela mia zità, podero sentir anche qualchedun altro cantar "Dime Rita", giusto per saper che non semo i ultimi rimasti de una specie ormai estinta.

MARTINA BARICEVIC
"Rita"
VIII classe SEI "Gelsi", insegnante Tamara Soric
1º premio "pari merito" Concorso San Vito 2002