di Jelicich Marianna

Vecie case che se sfassa
ai bordi del mio paese,
nissun che ghe pensa
lore, ormai, xe senza pretese.

Epur son nata là
taca el vecio fogoler
dove Nona misiava la polenta.
Nono sentado soto el morer.

Dove xe quei tempi
quando ancora 'ndavo scola
e tornavo a mexodí
verso casa tuta sola ?

So che un giorno tornarò.
Mio paese pien de color
perchè dove che mi vado,
Istria mia,
te go in tel cuor.