De fronte al molo
‘na viuzza streta,
a sinistra una tore
dirocada,
drio le mura ogni casa
rampigada
sora d’un'altra
a destra l’campanil
co’ in zima San Pelagio
e’po vizin
un boschetto de pini
e un fià zoncada
un’altra tore tonda
che la gente
ciamava la rotonda.
Cussì mi te vedevo
co’vegnivo muleto
solo soleto da la cità
e saltavo sul molo
per corer subito de mia nona
e ‘l nostromo rabiado
el me zigava mona
perché ‘l ponte no iera
anco’ra intera
e l’elica fazzeva
marcia indrio.
Cussì te vedo ancora:
San Pelagio
xe rimasto la’suso
imatonido.
E ne la sorte
la nostra gente
xe andà via
dispersa